Он гарсаар есөн аймгийн 24 суманд 33 удаагийн ой, хээрийн түймэр бүртгэгдээд байна

123.jpg

Он гарсаар улсын хэмжээнд  өнөөдөр буюу 4 дүгээр сарын 21-ний өдрийн байдлаар Архангай, Булган, Дорнод, Сүхбаатар, Сэлэнгэ, Төв, Хөвсгөл Баян-Өлгий, Увс зэрэг 9 аймгийн 24 суманд 33 удаагийн ой, хээрийн гал түймрийн дуудлага бүртгэгдлээ.

Дээрх түймэрт урьдчилсан байдлаар 16 гэр, (сууц) 17 хашаа (саравч), 1 автомашин, 3250 мал, ойн 3294 га, хээрийн 255,404 га, нийт 258,698 га талбай өртсөн байна.

Ой, хээрийн түймэр унтраах ажиллагаанд Онцгой, Хил, Цагдаагийн байгууллага болон орон нутгийн нийт 1980 гаруй ажилтан, алба хаагч, 250 орчим автомашин, техник хэрэгсэлтэйгээр ажиллалаа.

Иймд:

-Ногоон бүсэд зорчихдоо ил задгай гал түлэхгүй  байх, асаасан гал, шүдэнз, тамхины галыг бүрэн унтраах, халуун үнс нурамыг ил задгай асгахгүй байх, гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэргээр ой, хээрийн түймрээс урьдчилан сэргийлэх арга хэмжээ авахыг  анхааруулж байна. 

scroll to top